APRENDEMOS MÁIS COUSAS DE NATURAIS E SOCIAIS?4º de EDUCACIÓN PRIMARIA. APRENDEMOS SOBRE A AUGA E OS RÍOS.1ª PARTE.

Lembrades que na clase estabamos a realizar unha investigación moi interesante sobre o ciclo da auga na natureza e os ríos de Galicia?
Ímos lembrar as cuestións sobre as que traballábades:

1.- O CICLO DA AUGA.

2.- RÍOS DE GALICIA.

3.- PARTES DUN RÍO.

Se xa non lembras nada ou cústache facer memoria, non tes por que preocuparte. Esta entrada do blog é a primeira parte do tema. 
1.- O CICLO DA AUGA

A AUGA NA NATUREZA.ESTADOS DA AUGA.

ANIMACIÓN SOBRE O CICLO DA AUGA.
Se non consegues ver os enlaces, non pasa nada, aquí tes unha imaxe sobre a que podes traballar:

Nun folio ou nunha libreta, contesta a estas preguntas:

a) Cal é o percorrido que realiza a auga?Explícao do mellor xeito posible coas túas palabras

b)Observa as frechas do debuxo. Cando a auga penetra na terra prodúcese a: 

fertilización, irrigación, infiltración. Copia a palabra correcta.

Nesta outra imaxe aparecen os estados da auga:

Nun folio ou nunha libreta, contesta a estas preguntas:

a) Escribe unha situación na que a auga vólvase sólida.

b) Que temos que aplicarlle para que volte ao estado líquido?

c) Escribe unha situación na que a auga convírtase ao estado gasoso.

Se aínda queres saber máis cousas sobre a auga, aquí tes este outro enlace. O que conta é máis complicado, pero pode ser do teu interese:
INFORMACIÓN AVANZADA SOBRE A AUGA.

Xa sabedes que a maior parte do planeta Terra é auga, de feito tamén é chamado "O PLANETA AZUL".
Unha das reflexións que fixemos na clase é a de que: "A AUGA É UN BEN LIMITADO E QUE TEMOS QUE COIDALA", que a teñamos en abundancia onde vivimos, non quere dicir que a poidamos despilfarrar.
Tamén é de vital importancia coidar os medios acuáticos.
Para reflexionar, deixovos este vídeo:
NENOS E NENAS PODEDES SER AXENTES MEDIOAMBIENTAIS. SODES O PRESENTE E O FUTURO.

Que tampouco o podes ver?...Tranquilidade!Aquí tes unha imaxe:

Para reflexionar:
a) Fai unha lista con medidas que todos podemos tomar para que os nosos ríos, mares e calquera espazo acuático non acaben deste xeito.
b) Debuxa un cartel que poñerías nunha área recreativa (praia fluvial, praia de mar, lagoa, paseo marítimo ou fluvial...)co fin de concienciar ós e ás visitantes de que coiden a contorna.

Bueno, isto é todo sobre a auga. Espero que realices algunha das propostas. MOITO ÁNIMO!.