Aquí tedes unha mostra máis do ben que bailan os peques de infantil. Esta vez tocou taller de RITMOS LATINOS. Dende a salsa, a bachata e o merengue, pasando polo son cubano, ata as rancheras mexicanas. Como se moven estes nen@s!
Continúa aberto o prazo de solicitudes para as actividades de formación en linguas estranxeiras para o alumnado de sexto de primaria no ano 2011. As actividades de formación en inglés para o alumnado de sexto de primaria desenvolveranse en centros residenciais da nosa comunidade autónoma no próximo verán. Levaranse a cabo actividades de formación lúdicas e deportivas que promovan a socialización e aprendizaxe activa do idioma. Estarán impartidas por profesorado nativo e monitores acreditados en linguas estranxeiras. O prazo de presentación de solicitudes rematará o 11 de abril do 2011. Aquí vos deixamos algúns enlaces en onde podedes adquirir máis información:
Hoxe, 22 de Marzo, celebramos o DÍA MUNDIAL DA AUGA. Esta celebración comezou en 1992 en Río da Plata (Arxentina),e despois foi adoptada como unha iniciativa mundial polas Nacións Unidas. O seu obxectivo é informar, fomentar e concienciar ás persoas e ás nacións da importancia e da delicada situación da auga a nivel mundial, realizando campañas e investigacións que axuden ao desenrolo das tecnoloxías para o mellor aproveitamento dos recursos acuíferos, así como á educación para que tódalas persoas aprendamos a coidar a auga. A auga é vital para a supervivencia do home e todo o planeta terra.
Coidémola!!!.
Para que chegue á túa casa, a auga fai un longo percorrido. Primeiro de nada, é almacenada nunha represa. De alí, envíase á planta de potabilización, onde se somete aos procesos de cloración (eliminando algas e bacterias), aireación (para eliminar malos sabores e cheiros), sedimentación, filtración (para eliminar o lodo) e unha segunda cloración. Logo, poderosas bombas eléctricas fan circular a auga a través dun complexo sistema de tubaxes. Necesítase moita enerxía e cartos para bombear auga potable as 24 horas do día. Finalmente, a auga que consomes na túa casa, desemboca nunha rede de cloacas, e desta maneira, o ciclo comeza unha e outra vez. Só o 1% das reservas mundiais de auga está en África, América, Asia, Europa e Oceanía. A primeira vista, a auga presente nos continentes parece abundante, pero en realidade, non o é. As reservas de auga da Terra distribúense así: Océanos e mares (97%), Casquetes polares e glaciares (2%), Augas subterráneas (0,75%), e Ríos e lagos (0,25%).
INGREDiENTES - Masa de hojaldre fresca - Azucre MODO DE PREPARACION - Espolvoreamos a superficie de traballo con azucre - Extendemos a masa para impregnala de azucre. - Doblamos ata a metade dúas veces espolvoreando azucre de cada vez - Cortamos anaquiños de 1 cm aproximadamente. - Metemos ao forno uns 7 minutos a 200 grados centígrados. Nota.- un vídeo de youtube explica moi ben como se fai esta receita.
Que mellor momento como é o ENTROIDO para preparar unhas ricas filloas?!?!?! Eso foi o que fixemos no taller de cociña cos nenos e nenas de infantil cos seguintes ingredientes: leite, fariña, ovos, sal e azucre.
Primeiro botamos nunha fonte 2 vasos de leite e pouco a pouco fumos añadindo 1 vaso de fariña ao mesmo tempo que íamos batendo ben para que non se formasen grumos. A continuación añadimos 3 ovos e unha pizca de sal, e seguimos batendo. Deixamos reposar a mezcla uns 10 minutos. Pasados eses minutos untamos unha tixola cunhas gotiñas de aceite de oliva e estendímolas cunha servilleta. Botamos un pouco de mezcla na tixola de maneira que quedase unha masa fina e que se fixera polos 2 lados. Unha vez feitas todas as filloas botámolles por enriba un pouco de azucre e enrolámolas.
(con estas cantidades conseguimos facer unhas 15 filloas máis ou menos)
Aquí tedes o programa do venres de Entroido do noso cole. Parece que vai a ser moi vistoso pola variedade de disfraces que vai haber, todos eles relacionados coa educación viaria. Comezaremos a desfilar sobre as doce da mañá. Esperámosvos!!!
Visita o blog da biblioteca e do Equipo de Dinamización da Lingua Galega
Biblioteca Axexo
Equipo de Dinamización da Lingua Galega
Viaxe ó reinos das emociónns
CEIP DE SOBRADA
DEREITOS DE IMAXE E AUTOR
Se algunha das imaxes, sons ou contidos que aparecen no blogue están suxeitas a dereitos de autor,comuníqueo canto antes e serán eliminadas inmediatamente do blogue.