lunes, 22 de marzo de 2010

21 DE MARZO: DÍA FORESTAL MUNDIAL

En 1971 os estados membros da Organización das Nacións Unidas para a Agricultura e a Alimentación (FAO) aceptaron a celebración do DÍA FORESTAL MUNDIAL o día 21 de marzo, primeiro día de outono no hemisferio sur e primeiro día de primavera no hemisferio norte, para poder imprimirlle un carácter simultáneo en todo o mundo.
FORESTAL refírese ao aproveitamento, xestión e uso dos bosques. Os bosques conteñen arredor do 70 % da biodiversidade da Terra ademais de encher aos pobos do mundo de bens e servizos esenciais, sociais, económicos e ambientais, e contribúen á seguridade alimentaria, auga e aire limpos e protección do chan.

A metade dos bosques mundiais desapareceron, e as áreas forestais con maior biodiversidade están en perigo. A xestión sustentable dos bosques debe pasar das palabras á práctica.
Nesta data lémbrase a necesidade de manter e incrementar as superficies arbóreas e de protexer e conservar a natureza.

No hay comentarios:

Publicar un comentario