viernes, 23 de marzo de 2018

XX XORNADAS CULTURAIS


 

Este ano as Xornadas Culturais fan 20 anos, sendo xa un sinal de identidade do noso centro. Este curso xiran arredor do tema transversal “Educación para a Paz e a Tolerancia” dentro do Proxecto Documental Integrado do centro “Ponte nos seus zapatos” que pretende dar visibilidade e poñernos no lugar dos nenos e nenas refuxiados, e sitúanse temporalmente a finais de marzo e comezos de abril, aínda que por necesidades de axenda dos distintos convidados estas datas pódense pospoñer a maio.

Este ano contamos con moitas e diversas actividades para alumnado e familias; como exemplos podemos mencionar:
  • Charla para alumnado de Educación Primaria impartida por representantes de UNICEF “Ponte nos seus zapatos”, trata dar visibilidade á problemática dos refuxiados
  • Carreiras Solidarias a favor de UNICEF
  • Charla da tradutora goianesa María Alonso Seisdedos, Premio Nacional de Tradución, que nos vai contar a súa experiencia arredor do Libro “O lapis máxico de Malala”
  • Contacontos a cargo de “Caxoto” e Celtia Figueiras traballando temas de igualdade e coeducación
  • Obradoiros de Igualdade e Saúde afectivo-sexual a cargo da matrona de Tomiño Ana Forneiro para alumnado de 6º de Educación Primaria
  • Obradoiros de Igualdade para alumnado de 4º e 5º de Educación Primaria a impartido polo gabinete de psicoloxía A Carón
  • Obradoiros de Resolución de Conflitos, Asertividade, Habilidades Sociais… a cargo de Érguete Baixo Miño para alumnado de 5º E.P.
  • Charla destinada ás familias: “Achegamento á linguaxe de programación e robótica; posibilidades educativas”
  • Visita da escritora Ledicia Costas; Premio Nacional de Literatura Infantil e Xuvenil
  • Saídas didácticas ao Museo Provincial




No hay comentarios:

Publicar un comentario