POSTAL NADAL 2022

VISITA DE PAPÁ NOEL

 Neste último día antes das vacacións de Nadal recibimos unha das visitas mais agardas do ano: Papá Noel e os seus Elfos que fixeron un oco na súa axustada axenda para recoller todas as nosas cartas e falarnos un pouco do seu traballo nestas datas.

PLAN DIRECTOR DE CENTRO 2022

Hoxe tivemos a visita da Garda Civil de Tomiño que nos veu a falar sobre os riscos da navegación pola rede e aconsellarnos sobre como facer un uso seguro de Internet.

Actividade enmarcada dentro do Plan Director de Centro.

Estas charlas foron dirixidas ó alumnado de 5º e 6º de primaria, e proximamente serán ofertadas ás familias deste alumnado.

Encantados quedamos coa exposición que nos fixeron.

EXPOSICIÓN DE INVERNO

Xa podemos contemplar os estupendos traballos que fixechedes nas vosas casas para a Exposición de Inverno.Se podedes, non hai nada como velas no cole, aquí vos deixamos esta mostra.

Moitas grazas e parabéns pola vosa participación.

                                     Felices Festas!!

SEMANA DO BO TRATO E A DIVERSIDADE 25N AO 2D.

 Esta é unha porta negra cargada de palabras e debuxos negativos,simboliza a violencia, o maltrato, como apuntan os pequenos do cole: "a porta dos insultos" "a porta da maldade".Estanos invitando a pensar como podemos transformala nun espazo libre de violencia.

Ninguén debería ter que cruzar unha porta así e por iso, ao longo da semana nas titorías iremos transformando todos estos mensaxes negativos noutros positivos para conseguir que calquera esté desexando abrir esta porta que nos leva a un mundo mellor.

Iremos amosando este proceso de transformación e animándovos a que fagades o mesmo coas portas que vos atopedes nas vosas vidas.

RADIOEMOCIÓNATE

 Xa temos no soso centro a exposición sobre a radio da iniciativa RADIOEMOCIÓNATE.

Actividade organizada pola Asociación Ondiñas de Radio e Podcast de Galicia, celebrado o 90 aniversario da primeira emisión de radio en Galicia.

E mañá venres 25, grabaremos un programa de radio da emisora Si Radio  na que contaremos con invitados especiais. Poderémolo escoitar próximamente.

OBRADOIRO IGUALDADE E BO TRATO

 Co motivo da conmemoración do día da igualdade e  a semana do bo trato e a diversidade, esta semana  e a próxima recibimos no centro charlas e obradoiros dirixidas ao alumnado de 5º e 6º promocionadas polo Concello de Tomiño a través do grupo Talentea.

O obradoiro " Conecta co bo trato" ten como obxectivos analizar e comprender os estereotipos e roles machistas, interiorizar a práctica do bo trato como ferramenta contra a violencia de xénero e o fomento da igualdade de oportunidades entre nenos e nenas e analizar de forma crítica as representacións culturais de xénero e coñecer alternativas coeducativas.

ESPECTÁCULO TEATRAL EN VIGO

 

 Nesta semana o alumnado de 1º ciclo asistíu ao espéctaculo teatral "la aventura de no aburrirse" da compañia L'Estaquirot no Centro  Afundación de Vigo.

A obra  invítanos a reflexionar sobre a xestion do tempo de lecer e a cantidade de xogos e xoguetes que temos en casa e cos que tamén nos aburrimos. Foi un espectaculo divertido, cheo de creatividade, color e cunha mensaxe moi actual.

MAGOSTO

Un tempo cálido e solleiro acompañou a Festa do Magosto que celebramos o pasado 11 de novembro, día de San Martiño. É tempo de asar  castañas e  en Sobrada sumámonos a esta tradición acompañando a desgustación das castañas con música e xogos, que ben o pasamos!!

Agradecemos a tódalas familias e a Anpa do cole que coa súa colaboración fixeron posible, unha vez mais, o disfrute desta festa. Graciñas

CELEBRAMOS O SAMAÍN NAS AULAS.

A choiva e a oscuridade da mañá foron o escenario perfecto para  o desfile de meigas, mortos andantes, pantasmas, vampiros...grandes, pequenos e medianos. Que medooo!!!!. Comeza o aninovo celta, estamos no Samaín, e moitos celebramos esta data acudindo ó colexio disfrazados de diversos personaxes tenebrosos.🧛🧛🧛🧛🧛🧛🧛🧛🧛🧛

PROMOCION DEPORTIVA

Durante o mes de setembro recibimos a visita de clubs deportivos da zona para realizar unha presentación práctica e lúdica do seu deporte, tamén explicaron o funcionamento do seu club (localización, adestramentos, competicións) e se este deporte se vai impartir como actividade extraescolar no noso centro... Todos os técnicos animáronnos a practicar algún deporte no noso tempo libre polo positivo e saudable para o noso corpo e por tódolos valores sociais unidos a sua práctica. Mostráronnos un modelo de sesión práctica para achegarnos ó deporte e animarnos a probar no club o no colexio. Os clubs que viñeron foron o Club de Fútbol sala Tui, Club de Balonmán Tui,Club de Judo Baixo Miño, Club Bádminton Tomiño.

RECOMPILATORIO DE ACTIVIDADES REALIZADAS AO LONGO DO CURSO

Aquí tedes un resumo en imaxes de todo o acontecido no noso colexio neste curso 2021-2022

 

FESTA DA AUGA

Aquí podedes ver unha mostra do ben que o pasamos todas e todos na Festa da Auga de fin de curso.

 

XORNADA DE CONVIVENCIA ANPA

 Tamén puidemos disfrutar dunha exhibición da actividade de Lingua de Signos.

omputer Works For You : https://bit.ly/money_crypto

Let Your Computer Works For You : https://bit.ly/money_crypto

XORNADA DE CONVIVENCIA ANPA

 Aquí podedes ver unha mostra da exhibición da actividade de patinaxe que fixeron no colexio.

VIDEO FINAL DE CURSO.

SESIÓN DJ EN SOBRADA

Antes de rematar o curso contamos co noso alumno DJ Anxo, en vivo e directo coa súa mesa de meclas fixo unha selección musical formidable e divertida. Imposible quedar parado!!!. Este DJ promete é todo un artista👏👏👏

FLASHMOB NO ÚLTIMO DÍA DE CLASE

Neste curso fixémonos uns expertos en compartir bailes pero preparados cada un pola súa conta. O resultado ó xuntarnos é moi divertido  e máis no último día de clase con tantas emocións, é unha boa despedida.👌

XOGOS POPULARES 2022

No último día do curso un ano máis o alumnado de sexto foi o encargado de organizar e de ensinar os xogos ós máis pequenos. Que ben o fixeron! xa que pasámolo a lo grande. Grazas pola vosa paciencia.

ATLETISMO EN PAVILLÓN

O xoves 16 de xuño o alumnado de 3º e 4º curso celebramos actividade de atletismo en pavillón por equipos. Contamos coa axuda dos compañeiros de 5º que colaboraron como xuices e axudantes de pista. 

As probas foron: 100m, multisaltos 30 en segundos, lanzamentos de vortex e balón, salto de lonxitude e carreiras de relevos.

A xornada transcurreu cun gran espititu deportivo e entusiasmo.

TURONIA 2022

 Despois dun parón de dous anos regresou o Turonia, tan ben acollido coma sempre. Mantiveronse todas as actividades salvo a da acampada pola noite por protocolos covid.

Durante dous intensos días os alumnos de 6º dos colexios de Barrantes, Caselles e Sobrada non paramos de percorrer os camiños de  Tomiño a pé e en bicicleta.

O primeiro día tocou unha ruta a pé por sendeiros preto do río Cereixo dende Pinzás ata Barrantes. Visitamos o centro de interpretación da auga en Pinzas, coñecemos as lendas de Grixó, aprendimos a orientarnos con mapas e a observar a flora e a fauna todo apoiado nas explicacións dos colaboradores, profesores e os caderniños.

En Gampuzada paramos a xantar e a facer a carreira de orientación para localizar as balizas.

O segundo día tocoulle o turno as bicicletas para cubrir unha ruta dende Ceip de Barrantes ata o embarcadoiro de Goián onde gozamos da experiencia de montar en piragüa grazas a axuda do club deportivo os Teixugos.

Esta mega actividade non poderia realizarse sen a axuda económica e persoal de  moitas persoas e entidades; agradecemos a ANPA de Sobrada que aportou a merenda dos dous días, as Comunidades de Montes pola súa aportación económica para a compra das camisetas ao concello de Tomiño, persoal de protección civil, ciclistas axudantes a María polo deseño das camisetas, profesores, pais e nais e tódalas persoas que fixeron posible un ano máis manter esta actividade única.

Ata o vindeiro ano!

ACTIVIDADE DE PIRAGÜISMO 6º.

O pasado 25 de abril o alumnado de 6º  participou nunha xornada deportiva escolar enmarcada no programa Xogade para a práctica do piragüismo na modalidade de Piragüismo-Dragóns.

As instalacións deportivas do Pontillón do Castro foron o escenario dunha divertida xornada deportiva escolar. Previo a subir as embarcacións, recibimos unhas nocións básicas de navegación e a continuación o mais agardado, navegar todos xuntos e palexar ó ritmo do tambor. Quedamos encantados e con gañas de repetir experiencia, foi fantástico!.

INFANTIL POLA PAZ NO MUNDO

O alumnado de Infantil traballando e cantando pola PAZ no mundo.

DEPORTE ESCOLAR. ATLETISMO EN PISTA.

XORNADA DE ATLETISMO 5º

FOTOS E RESULTADOS

 

XORNADA DE ATLETISMO 6º

FOTOS  E  RESULTADOS

Durante o segundo trimestre o alumnado de 5º e 6º participou nas xornadas de atletismo que se celebraron nas pistas de atletismo de a Macoca de Tui. Participaron os colexios de Tui, Tomiño, Salceda, o IES San Paio de Tui e o IES de Tomiño. Actividade moi agardada despois do parón pola incidencia da covid no comenzo do ano.

 A experiencia foi fantástica a tódolos niveis, nada mellor que poñer en práctica o aprendido nunha pista de atletismo, convivir con alumnado doutro centro, favorecer  a cohesión do grupo clase polos  ánimos, apoios e celebracións cos compañeiros de calquera logro.

A diversidade de modalidades que ofrece o atletismo permitíu que cada neno escollese a aquela na que se sentía mais cómodo, sempre que foi posible. O mellor da xornada, foi a ilusión e as gañas en cada carreira, salto e lanzamento.

Tanto os equipos de 5º coma o de 6º lograron o segundo posto  nestas xornadas, noraboa a todos e todas polo voso esforzo.

 

Toda a información podémola atopar na web de AGRUDEBAM

8 DE MARZO DÍA DA MULLER

Hoxe  conmemoramos O DÍA DA MULLER coa confección por parte  de todo o alumnado duns marcapáxinas alusivos a Mulleres que fixeron historia relacionadas co Proxecto Documental Integrado do centro: A Auga. Mulleres como Tamara Echegoyen (regatista), Teresa Portela (piragüista), ou Anxeles Alvariño (científica e bióloga mariña) entre outras.

ENTROIDO 2022. DESFILE DE COMPARSAS

DESFILE DE ENTROIDO

O pasado venres 4 de marzo  o espirito do Entroido invadiu tódolos rincóns do cole de Sobrada, xa estaba todo listo! traxes, perrucas, pinturas. .. e moitas emocións, comenzaba o día máis esperado, este ano con máis precaución celebrámolo por todo o alto. Desfilamos moi animados pola musica de Suso o gaiteiro papá dun alumno e polos aplausos das familias que non pararon de alavar os nosos disfraces. Este ano quixemos facer unha homenaxe a un dos recursos mais prezados que nos regala a natureza: A AUGA!

DESFILE E ACTUACIÓNS COMPARSAS.

 

E INFANTIL: Os mergulladores de infantil dispostos a facernos descubrir os grandes tesouros que se agochan baixo o mar.

MIRADE, MIRADE...

1º CICLO:  Dende o fondo do mar, chegan contentos os peixiños que non paran de nadar. Mergullate con moito ritmo.

2º CICLO: As Pipis e os PiPis  persoas aventureiras, valentes, imaxinativas, exploradoras e comprometidas.

3º CICLO: O Entroido é mais ca un sentimento e o terceiro ciclo o sabe!.

Aqui veñen os muiñeiros e muiñeiras da Faia, Puntillón, Carboral...poucos aproveitan tan ben a auga como fonte de enerxia.

Este ano coas restricións sanitarias non fixemos a merendola de entroido no patio. A Anpa do cole quixo manter esta tradición e adaptouse as novas circunstancias e levounos polas clases postres típicos de entroido, riquisimos!, moitas grazas pola vosa axuda😌

Nos vindeiros días continuaremos publicando imáxes e vídeos do desfile.

DÍA DE ROSALÍA

Hoxe 23 de abril non quixemos pasar por alto esta data tan significativa, xa que se cumpre o 185 aniversario do nacemento da escritora máis representativa de Galicia pola súa defensa da lingua galega.

 

Para fomentar o coñecemento e agarimo por Rosalía, entre outras actividades todos os nenos e nenas chegamos esta mañá ó cole cunha careta de Rosalía, ademais decoramos os corredores do colexio con murais de Rosalía e escribimos poemas, frases e palabras que mais nos lembran a esta gran poetisa.

ORDE DO MECO PARA O XOVES

 

ORDE DO MECO PARA O MÉRCORES

 

ORDE DO MECO PARA O MARTES.

 

ORDE DO MECO PARA O LÚNS

Estreamos Meco!!! o Entroido ábrese paso en Sobrada, esta semana é un anticipo do que aveciña... xa nos estamos preparando!!, prestade atención as ordes do Meco se o queredes ter contento.

Para  este lúns o Meco ordea vir deste xeito:

 

CONMEMORACIÓN DÍA DA PAZ

 

O pasado luns 31 de xaneiro celebramos no cole o día da Paz, para conmemorar esta data tan importante todos colaboramos na creación dun mural  aportando  unha botella cunha mensaxe de paz.

 

Ademáis ocurríusenos bailar unha canción que nos fala de valorar o que temos, ser felices, agradecer, aceptar consellos...moitos valores moi importantes que non debemos esquecer para manter a paz tódolos días.

A canción é "Madre Tierra" de Chayanne que fomos aprendendo e gravando  aos poucos para despois o día 31 xuntarnos todos no patio. Este foi o resultado...

Versión MADRE TIERRA todo o alumnado no patio do centro.

Versión MADRE TIERRA por aulas e en diferentes localizacións do centro, aquí deixamos os ensaios e preparación da coreografía.